बंगलाचुली गाउँपालिका वडा नं.-६ को वडा कार्यालय भवनको उद्घाटन

कमिरेचौर,१५ साउन ___________

दाङको बंगलाचुली गाउँपालिका वडा नं.-६ को वडा कार्यालय र आधारभूत स्वास्थ्य केन्द्र भवनको विहिबार एक कार्यक्रमको उद्घाटन गरीएको छ । बंगलाचुली गाउँपालिका वडा नं.-६ का अध्यक्ष वेदुलाल घर्ति क्षेत्रीको अध्यक्षता एवं गाउँपालिका कार्यवहाक अध्यक्ष ऐनुराज खत्रीको प्रमुख आतिथ्यमा कार्यालय भवनको उद्घाटन गरीएको हो ।

बंगलाचुली गाउँपालिका का.वा.अध्यक्ष ऐनुराज खत्रीले भवनको उद्घाटन गर्नु भएको थियो ।कार्यक्रममा बोल्दै ऐनुराज खत्रीले भवन निर्माण कम्पनिले समयमै भवन निर्माण गरी हस्तान्तरण गरेको भन्दै धन्यवाद ज्ञापन गर्नु भयो । उहाँले कोरोना महामारीले आक्रान्त पारिरहेको यो अवस्थामा पनि निर्माण कम्पनिले समयमै वडा कार्यालय भवन निर्माण गरेको भन्दै प्रशंसा गर्नु भयो ।

कार्यक्रममा बंगलाचुली गाउँपालिका निमित्त प्रमुख प्रशासकीय अधिकृत नारायण प्रसाद आाचार्य , लालि गुराँस सामुदायिक वनका कोषाअध्यक्ष खगुराम डाँगी, बहरा सामुदायिक वनका अध्यक्ष तेज बहादुर वली , समाजसेवी यम बहादुर खत्री लगाएतकाले बोल्नु भएको थियो ।

कार्यक्रममा बोल्दै बक्ताहरुले कोरोना महामारीका विचमा पनि समयमै वडा कार्यालय निर्माण भएको भन्दै खुसी व्यक्त गरेका थिए । बंगलाचुली गाउँपालिका वडा नं.-६ को भवन भ्याट बाहेक ४८ लाख र आधारभूत स्वास्थ्य केन्द्रको भवन ३२ लाख लागतमा निर्माण गरिएको हो ।

उद्घाटन कार्यक्रममा बोल्दै वडा नं.-६ का अध्यक्ष बेदुलाल घर्ती क्षेत्रीले वडाकार्यालय निर्माणले सबै जनतामा खुसियाली आउनु पर्ने बताउनु भयो । हिजोका दिनमा वडा कार्यालय निर्माणको सवालमा केही विवाद आएको भए पनि जनतालाई पएक पर्ने स्थानमै वडा कार्यालय निर्माण भएको हुँदा कोही खुसी कोही दुःखी हुन पर्ने अवस्था नरहेको बताउनु भयो ।

सो वडा कार्यालय निर्माणका लागि वडा नं.६ का ५ जना जनप्रतिनिधिहरुले जनही ६० हजारका दरले सहयोग गर्नु भएको छ । भने स्वाथ्य केन्द्र भवन निर्माणका लागि सावीक वडा नं.६ का स्थानिय हाल घोराही गोर्खा टोल निवासी समाजसेवीले पुर्ण बहादुर वलीले ५ रोपनि जग्गा दन गर्नु भएको थियो । कार्यक्रममा जग्गा दाताहरुलाई खादा वडाएर सम्मान समेत गरीएको थियो ।

निर्माण कम्पनिका तर्फबाट नव सृजनशिल कन्ट्रक्सन कम्पनि प्रा.लि. शिनामंगल काठमाडौँका विष्नु गौतमले वडा नं.६ को नवनिर्मित भवनको साँचो वडा अध्यक्षलाई हस्तान्तरण गर्नु भएको थियो ।

आधारभूत स्वास्थ्य केन्द्र भूटनेटाका प्रमुख बासुदेव महराको स्वागत मन्तव्यबाट सुरुभएको कार्यक्रमको सहजीकरण बंगलाचुली गाउँपालिका स्वास्थ्य शाखा प्रमुख भक्त बहादुर जि.सी.ले गर्नु भएको थियो ।